Yasuwe : Inshuro 171 |  Ibitekerezo: 0 |  Aho ariho: R D Congo

FDLR yishe umugabo imurashe imbere y置muryaango we

  


By  KARASIRA   Emanuel   | May 18, 2016   saa  03:20:22

Inyashyamba za FDLR ngo zikomeje ibikorwa by’ubwicanyi no gusahura ibintu by’abaturage mu duce twa Mutanda na Kihondo muri Kivu ya ruguru nk’uko bitangazwa n’umuryango utegamiye kuri Leta CEPADHO. Mu cyumweru gishize ngo aba barwayi biciye umugabo mu maso y’umuryango we nyuma yo kuwusahura ibyo utunze.

Mu bice bya Kikuku na Bwalanda CEPADHO (Centre d’études pour la promotion de la paix, la démocratie et les droits de l’homme) ivuga ko habaruwe ibikorwa byinshi by’ubusahuzi no gutera inzu z’abantu mu ijoro bikorwa na FDLR. Mu ijoro ryo kuwa 10 Gicurasi aba barwanyi ngo barashe umugabo imbere y’umuryango we bamaze kuwusahura.

Tariki 11 Gicurasi aba barwanyi b’abanyarwanda bateye inzu nyinshi ahitwa Bwalanda, bukeye bwaho bafunga umuhanda hagati ya Kikuku na Kyaghala aho basahuye za mmoto bakanatwara ibintu by’abagenzi nk’uko bitangazwa n’iriya ONG.

Kubera ibi bikorwa abaturage bamwe muri utu duce ngo ntibagishobora kujya mu mirima kubera ubwoba.

Aba barwanyi ba FDLR ngo bamaze iminsi batera baturuka mu bice bizwi bya Buleusa, Kateku, Bukumbirwa, Kimaka muri Lubero na Walikale.

Abayobozi b’utu duce bavuga ko abarwanyi ba FDLR batera bagasahura bakica ubundi bagasubira mu mashyamba, gusa ngo ingabo za Congo ubu ziri kubagabaho ibitero mu gace ka Kihondo nk’uko bivugwa na radiookapi. 



IZINDI NKURU »


Umwanya wa Comment
                                                                       
  •  

Ibitekerezo byanyu kuri iyi Nkuru
Nta gitekerezo kirajyaho bimburira abandi!

Close