Yasuwe : Inshuro 294 |  Ibitekerezo: 0 |  Aho ariho: Isi muri Rusange

Ese Imana yaremye umuntu cyangwa yaremye bacterie nazo zivamo abantu?

  


By  Aphrodice   Nshimiyimana   | January 11, 2017   saa  02:22:05

Imyaka myinshi irashize abantu bibaza inkomoko ya nyayo y’ikiremwamuntu, abemera Imana bemera ko imana yaremye umuntu ikamuha ububasha bwo kororoka! Nyamara abahanga mu by’ubumenyi (Science) bagiye bagaragaza ibimenyetso n’ibihamya by’uko umuntu yakomotse ku ihindagurika ry’utunyangingo dutoya tuzwi nka (baterie), bikagera ku nkima hanyuma umuntu akabona kubaho.

Biragoye kugaragaza igihe cya nyacyo bacterie zaba zaratangiriye kwihinduramo uturemwa duto bivugwa ko twabaga mu mazi nyuma tukaza kubamo amafi. Gusa ikivugwa cyane ni igihe ibiremwa byari bimeze nk’inkima(Apelike) byari bitangiye gufata isura n’imimerere ya kimuntu, ni ukuvaga mu myaka 4,000,000 ishize. Iki gihe ngo nibwo hatangiye kubaho ibiremwa bigendesha amaguru abiri gusa aribyo bita (Bipedalism), dore ko ibyari bisanzwe byagendeshaga amaguru ane (2 limbs).

Muri kiriya gihe kandi nibwo bivugwa ko habayeho umuntu wa mbere mu mateka, dore ko usibye kugendera ku maguru abiri, yari afite n’ubwonko bwagutse kandi bushobora gufata ibintu byinsi bitandukanye birimo nko gukoresha udukoresho dutandukanye, amarenga ndetse n’utumenyetso tw’ibintu by’umuco babaga bahuriyeho. Bikaba bivugwa ko aribwo ikiremwa cyiswe umuntu cyari kibayeho. Akaba ari Homo Sapiens byavumbuwe ko yiberaga muri Afrika mu kibaya cya Lift Valey hagati ya Kenya, Uganda na Tanzania. Akaba ariwe uzwi nka sekuruza w’abantu bose.

Abahanga bagiye berekana ko hari amoko y’inyamaswa(species) ngo twaba dufitanye isano rya hafi, muri zo harimo nk’ingagi, inguge, inkima, inkende,ndetse n’izindi. Gusa usibye no kuba abahanga babyerekana, biragaragara cyane ko ikiremwamuntu kigenda kihinduranya uko imyaka igenda ishira. Witegereje imiterere n’ingano y’umuntu wo mu myaka yo hambere, usanga afite itandukaniro rinini n’umuntu w’iki gihe.  Akenshi ngo bikaba biterwa n’ihindagurika ry’ikirere, ndetse n’uburyo bw’imibereho, bigira uruhare runini mu ihindagurika rya DNA n’imisemburo(Hormones). Umuntu akaba yakwibaza uko umuntu wa nyuma y’imyaka 10,000 azaba ameze.


IZINDI NKURU »

  • Amasasu yumvikanye ahuriye he n'impamvu y'inkongi yibasiye gereza ya 1930

    Komeza uyisome »

  • Ushobora kugwa mu kaga k'uburwayi bw'igikatu bukomotse muri Energy Drink

    Komeza uyisome »

  • Ubushakashatsi bwashyize ahagaragara umumaro w'urubuto rw'umwembe ku buzima bwa muntu

    Komeza uyisome »


Umwanya wa Comment
                                                                       
  •  

Ibitekerezo byanyu kuri iyi Nkuru
Nta gitekerezo kirajyaho bimburira abandi!

Close