Yasuwe : Inshuro 678 |  Ibitekerezo: 0 |  Aho ariho: Amerika

Ese Donald Trump azahangana ate n'Abanyafurika binjiye muri Amerika binyuze muri Ambassade ya baringa?

  


By  MPEZAMIHIGO   Chris   | January 03, 2017   saa  10:36:31

Mu gihugu cya Ghana mu mujyi wa Accra haherutse gutahurwa ambassade y’Abanyamerika yakoraga mu buryo bwa baringa butazwi na leta kandi butemewe n’amategeko, ikaba ngo yari imaze igihe kigera kumyaka 10 itanga ibyangombwa byo muri amerika birimo VISA, Passport, ibyemezo by’amavuko n’ibindi.

Iyo ambassade mpimbano ikaba ngo yarashinzwe n’amabandi yo muri Ghana afatanyije n’ayandi yo muri Turkiya hakoreshejwe ikoranabuhanga rihanitse kuburyo bitari korohera uwo ariwe wese kuba yayivumbura. Iyo amabassade baringa ikaba yarakoreraga mukizu gishaje cy’amagorofa abiri n’amabati ashaje yahinduye ibara, ikaba yaratahuwe n’inzego z’ubutasi za Amerika zifatanyije na leta ya Accra nk’uko tubikesha the guardian.

iriba24 ltd

Ibi byatahuwe iyi ambassade imaze gukorera akayabo k’amadorali dore ko kwerekera muri Leta Zunze Ubumwe za Amerika usanga ari nk’azo nzozi za benshi kuri uyu mugabane wa Afurika. Buri cyangombwa rero ngo cyatangirwaga ku giciro cyo hejuru aho ngo babitangiraga 6000 by’amadorali, n’ubwo visa zahendaga ngo ntibyabuzaga abantu bo muri Ghana n’ibindi bihugu bya Afrika kuzigura ku bwinshi, si ibyemezo byo muri Amerika gusa, kuko iyo ambassade ishobora kuba yaranakoraga ibyangombwa bijya no mibindi bihugu, dore ko hasanzwemo n’ama visa yo muri Afurika yepfo n’ubuhorande, n’ibindi bikoresho birimo za mudasobwa ngendanwa(laptops) na telephone zigezweho (smart phones). Ambasade ikaba yarakoraga iminsi itatu mu cyumweru.

iriba24 ltd
Dore ambassade nyayo ya USA muri Ghana.

Ubu ikitezwe ni ukureba akantu Perezida Donald Trump agiye gukora mu rwego rwo guhangana n’abantu bakoresheje ibyemezo mpimbano bivuye muri iyo ambassade bakinjira mu gihugu cye, dore ko uyu mugabo afatwa nk’umunyadukoryo mu isi ya politike. Iyi ambassade yavumbuwe nyuma y’aho Trump atangarije ko atazihanganire buri muntu wese uba muri Leta Zunze Ubumwe za Amerika atabifitiye uburenganzira, aho ibyinshi mu bitangaza makuru byahise bivuga ko ashobora kuzirukana abarenga miliyoni 3 muri Amerika. Ikindi kizabera urujijo Perezida Trump ni Uko ngo Visa zatanzwe n’iyo ambassade utapfa kuzitandukanya na visa za nyazo.

iriba24 ltd
Uyu mugabo bishobora kuzamucanga!

INKURU YA Aphrodice Nshimiyimana

IZINDI NKURU »

  • Dore uko Fidel Castro yahimye Amerika ku mugaragaro Igice cya 4

    Komeza uyisome »

  • Ese Ntiwakwibaza Impamvu Amerika Itegeka Isi,Ndetse Ikivanga Muri Politiki Z’Ibihugu?

    Komeza uyisome »

  • Menya perezida ukuze kurusha abandi ku isi  ndetse witegura kuyobora indi manda

    Komeza uyisome »


Umwanya wa Comment
                                                                       
  •  

Ibitekerezo byanyu kuri iyi Nkuru
Nta gitekerezo kirajyaho bimburira abandi!

Close